फिशर शौचाच्या जागी ओठ फाटल्यासारखी चीर पडणे, शौचानंतर भरपूर प्रमाणात आग होणे व काही काळाने बरे वाटणे. थोडेसे रक्‍त शौचाला लागून येणे किंवा थेंबथेंब पडणे इ. लक्षणे दिसतात. आज गुदगद आजारांपैकी 40 ते 50 टक्‍के रुग्ण स्त्रिया आहेतच.परंतु भीतीमुळे, लाजेमुळे स्त्रिया वर्षानुवर्ष हा त्रास सहन करतात.कालांतराने छोटासा बाहेरील बाजूस त्वचेचा भाग वाढतो,हाताला लागतो, त्यालाच  मुळव्याध  समजून त्याचीच औषधी घेतात.

मुलींना बाहेरील खाणे, स्त्रियांना शिळे खाणे, अवेळी खाणे, गरोदर स्त्रियांना गरोदरपणात किंवा बाळांतपणानंतर, पस्तिशीनंतर वेगवेगळया कारणांनी शरीरामध्ये कोरडेपणा, उष्णता वाढून, मलबध्दता होवून ओठ फाटल्याप्रमाणे चीर पडते व कोंब तयार होतो व स्त्रिया यालाच मूळव्याध समजून सहन करतात परंतू स्त्रियांनो हा फिशर असल्याने यासाठी मूळव्याध आजारावरील कोणताही औषधोपचार किंवा इतर उपचार यास उपयोगी पडत नाही. म्हणून तज्ज्ञ डॉक्टरांकडून सर्वप्रथम याची तपासणी करुन ,निदान करुन आजाराची अवस्था माहिती करुन घ्यावी.

उपचार: औषधी-आजार नव्यानेच झाला असेल तर पोटातील औषधाने , मलमाने बरा होतो, कमी होतो.

ऑपरेशन: यामध्ये शौचाची जागा बारीक होते व तेथे स्पॅसम तयार होतो म्हणून स्पिनशिटर मसल्सला थोडया प्रमाणात कापले जाते, फिशरची गादी कापून टाके घेणे, शौचाची जागा रुंद करणे.

आयुर्वेदिकः क्षारकर्म-अग्निकर्म आयुर्वेदामध्ये झालेल्या जखमेवर विशिष्ट पध्दतीने क्षार लावून काही वेळाने ते विशिष्ट पध्दतीने तुपाने स्वच्छ करुन तेथे अग्निकर्म केले जाते. यामध्ये कोणताही नैसर्गिक स्नायू कापणे, टाके घेणे किंवा शौचावरील नियंत्रण जाणे कालांतराने असा धोका होत नाही व अग्निकर्माने उपचार केल्यावर ते आजार पुन्हा होत नाही व स्त्रियांमध्ये शौचाच्या जागेचा आकार बिघडत नाही किंवा तेथे उपचारामुळे कोणतीही खुण राहत नाही. नैसर्गिक जागा जशी आहे तशीच राहते व रुग्ण व्याधिमुक्‍्त होतो.

अपूर्णभव चिकित्सा: आयुर्वेदिक शास्त्रांमध्ये कोणताही आजार पुन्हा उद्‌भवू नये म्हणून अपूर्णभव चिकित्सा वर्णन केलेली आहे. फिशर या आजारामध्ये शरीरातील उष्णता, कोरडेपणा कमी करणे, मलबध्दता नष्ट करणे यासाठी औषधी देवून आजारांची कारणे कायमस्वरूपी नष्ट करून रूग्णाला रोजच्या आहारातूनच उष्णता वाढू न देण्याची काळजी घेण्याचा सल्ला दिला जातो.

फिशर होवू नयेः असे वाटत असल्यास सर्व मुली, स्त्रियांनी रोज सकाळी 1 ते 2 कप दुधात 10 ग्रॅम मोठे चमचे गावरान साजूक तूप जन्मभर घ्यावे. यामुळे फिशर व्यतिरिक्‍्त इतर आजारांचे प्रमाणसुध्दा कमी होते